واحد رذل فى الشارع !!!!!!

Admin المساهمات : 716 تاريخ التسجيل : 10/08/2007

واحد رذل فى الشارع !!!!!!

[size=12]السلام عليكم ورحمة الله وبركاتة
------------------------------------

مرة واحد ماشى فى الشارع فقابل واحد تانى شكلة مش على بعض

ومستعجل اوى وبيقول:

لو سمحت من فضلك قلعنى الجاكتة

فالأولانى قال له: نعم؟

فالتانى قال :قلعنى الجاكتة بسرعه حاضر....وراح مقلعه الجاكتة

لو سمحت بقة قلعنى الكرافتة

اية؟؟

الكرافتة....الكرافتة بسرعه!

حاضر وراح مقلعه الجرافتة وهو مستغرب اوى من الراجل الغريب دة

ها ياسيدى اى خدمة تانية؟

اّة معلش فكلى زراير القميص

لااااااااا دانت زودتها اوى..كدة تاخد برد يقلب بنزلة شعبية حادة تاخد اجلك

من فضلك فكها...بسعه ارجوك....اففففففف وادى زراير القميص

خلاص فكيتها..دا كان يوم اية المهبب دة ها اى اوامر تانية؟؟

ايوة قلعنى القميص

ياسيدى عيب مايصحش كدة دا احنا فى الشارع خلى عندك دم

لاحول ولا قوة الا بالله

ارجوك ارجوك بسرعه...مفيش وقت

دى وقعة اية المهببة دى انا كان اية جابنى من الشارع دة

وادى القميص هااااا اية تانى؟

ارسملى على ظهرى خطوط بالطول وخطوط بالعرض

حسبى الله ونعم الوكيل..انت مجنون يا راجل انت؟؟؟؟

من فضلك ارجوك

رسمتلك زفت بالطول وزفت بالعرض

رقملى بقه المربعات من 1 الى 40

ياصبر ايووووب..بقه انت معطلنى كل دة عشان تلاعبنى سيجا على قفاك؟؟؟؟

بسرعه لو سمحت...ارجوك رقمهم...من فضلك مش قادر؟

ادينى رقمتهم!!

لو سمحت بقى اهرشلى فى المربع رقم 23

ههههههههههههههههههههههههههههههههه

[/size]